bling bling 銀鍊大翻新 by Mi

聽講體質較燥底嘅人係好易戴到純銀首飾變黑. 而我就係呢類人. D 手鍊頸鍊每次戴幾日就變到黑媽媽, 用抹銀布捽捽捽, 捽到手指痛埋, 有時d  窿窿罅罅位仲要點抹都抹唔到. 實在太懶, 搞到有一炸戴黑晒嘅鍊擺左好耐都冇再戴. 直至有日朋友fb share左以下呢個方法,

1 tablespoon salt
1 tablespoon baking soda
1 tablespoon dish detergent
1 cup water
1 piece aluminum foil

Directions:
1. Heat water in the microwave for 1 or 2 minutes.
2. Cut a piece of aluminum foil that roughly covers the bottom of a small bowl (like a cereal bowl).
3. Pour hot water into bowl. Place salt, soda, and dish-washing liquid into bowl. Place jewelry on top of foil and let it sit for 5 to 10 minutes. Rinse jewelry in cool water and dry jewelry completely with soft cloth. Discard solution after use and make a new batch next time.
4. According to wire-sculpture.com, "this works well for gold-filled, brass, German (nickel) silver, and sterling silver. I have even cleaned jewelry with freshwater pearls, shell cameos and mother of pearl with no problem.".
(Source: a Facebook post from Connie Leeper shared by Jacquie Murray-Brown)


五分鐘d 鍊仔就bling bling 靚番晒!!! 有相為證:

開頭唔知work唔work怕整壞條鍊d 銀, 淨係浸上半part試左先, 順便對比下個效果 
Wow浸左幾分鐘上半part已經白番晒!(第二張相)  再浸埋下半part, 用水喉水沖一沖, 攞眼鏡布抹乾, 就新嘅一樣! (因為屋企黃燈嘅關係,影唔到真實效果咁白.)

然後就揾番晒d銀鍊出黎玩 (太耐冇戴,未洗前真係黑得好離譜!....)

不費吹灰之力d 鍊仔就bling一聲! 以後都唔洗捽到手指都起枕喇!!

然後我好無聊咁做左小小research. 呢個用baking soda solution 洗銀嘅方法, 大概原理係將銀上面嘅化合物(tarnish - 啡啡黑黑嗰d) 轉化番做純銀. 另外原來用抹銀布抛光, 其實係將嗰d化合物抹走, 過程中唔多唔少係會抹走d銀ga!!

原理嘅詳情 - 唔怕悶可以參考以下網址
http://scifun.chem.wisc.edu/homeexpts/TARNISH.html 

Chemistry 我真係唔識, 總之呢個方法的確係好啱我呢d懶人! :D

首次實彈射擊記@Las Vegas

我從沒想過自己會去開槍，太危險了，所有危險的事我都不會做，我就是個無膽的人。

事發於Las Vegas，工作完成了，有人提起附近有開槍中心，幾個同事都興致勃勃，一定要我一齊去：「你咁騰雞，睇你開槍應該好玩過自己開。」喂！你當我馬戲團動物表演？我唔想壞了大家興致，有點不高興但還是去了，唉我就係咁.......

遊客最平美金110開2款槍，大家都比價錢嚇親了！由其之前果晚先重金睇完Pac vs Mayweather 果2個...我心諗「好野！咁貴有籍口放棄啦！」但同事A 真係醒目到令我震驚......

同事A：「有無其他簡單d既選擇？我朋友第一次玩。」

店員：「你地係邊到人？」

A：「香港...呀唔係，我d朋友係香港黎，我係本地Las Vegas人！」

店員：「唔......咁或者你去後面個counter搵呀Steve傾下，佢會幫到你。」

同事A係美國人，有美國駕照，但咩LV當地人完全係吹水。我地搵左阿Steve，當地人租槍+子彈居然只係廿蚊美金左右@0@ 平到癲！！！無籍口之下佢地幫我簡左把點22（好似係），我成手出哂汗，又比佢地笑左餐，唉......

結果.....

為免引起某些人不安本圖mask處理

結果，我居然做得還不錯，在場所有人都震驚了啊真是！！當然他們幫我選的槍是很好控制的。

同事A發現當地滿10歲（！）就可以租槍玩，立即打比剛滿11歲的小兒子話暑假帶他來玩，興高采烈......呃，這樣真的好嗎？我不是很確定...同事A你還是反槍械普及的啊！！

其實開槍幾好玩，有點似開香檳，但在場不斷聽到有些人開超猛火力的槍或者機關槍之類，真的很可怕！！遇上了痴線佬點辦？我想我再也不會去了......

後記

快樂既時間過得特別快，隊中曾同甘共苦的肥仔君已確定離職，很是不捨，只好祝他有個美好的前程

職場衣著 by Calanthia

這本雜誌，逾期了，我一直放低。
去年冬天，在彭博 Bloomberg Business Week 有一篇關於職場衣著的報導。記者邀請我給點意見。拍攝在RENT-A-KITCHEN 出租廚房進行。

我的衣櫃裡，幾乎全部是連身裙，對於早上七時要早起上班，只得二十分鐘時間梳妝的都市人來說，連身裙實在方便，修腰款更顯得大方得體，很配合在酒店工作的優雅氛圍。其他穿公司制服的同事笑說：我家該有百條連身裙。制服同事不明白，酒店沒有服飾限制，不過若天天也著住全身黑色Giordano Ladies，好大機會被老闆Diu 。每天要著得新潮、優雅、有美感、最重要是天天不同，真係好費神。

不用返工，平日的配搭，最常穿短褲或短裙，舒適又涼快，大熱天時有誰忍受到長褲褲？何況，我的屁股和大腿太強壯，著長褲著得唔好睇之餘，連買一條合身的褲也不容易，即使短褲，都只有Zara才合身。 有試過H&M，ROXY ，最大碼了，穿上去，好似隨時會爆炸一樣。 香港女生的屁股都這樣小？ 得我大！？

男人鐘意女人著乜 vs 女人鐘意女人著乜，我向來知道，有好大的鴻溝。男人什麼也不談，只希望女生越少布越好。不過，性感和暴露只是一線之差，其中一條我認為永遠需要堅持的法則是：露腿時不露胸；露胸時不露腿。當同一時間齊齊乜都露，就低手了。

我要做美少女戰士 by Calanthia

銅鑼灣世貿的pop up store開幕，跟記者一同採訪

妹妹搬家，在舊屋找到雜物，當中有美少女戰士。

五個美少女戰士，我最愛Sailormoon，雖然她蠢，但藍紅色的水手服戰衣實在classic，變身就舉起寶石鏡盒，打交就揮出粉紅色moon stick，好靚。那時候， 大部份女生都比較喜歡愛神代表 Sailor Venus，金色長頭髮，典型校花。藍色的Sailor Mercury 就完全沒有fans, 因為變身過程中，全部衣服會被一瞬間脫光。哈哈。二十年後再看,就另一回事了。

我一直好想變成Sailormoon。幾年前，公司party的主題是卡通人物，唔知邊個出主意，搞到部門女生個個著上水手服! 而我當然係Sailormoon啦, 還要4S加強版。而最火爆那位女同事，選擇了火野麗Sailor Mars。由心而發覺得好襯佢。

五年前得青春

今年是美少女戰士二十周年，銅鑼灣世貿有一個pop up store，我在開幕當天跟記者們一起採訪，在新聞稿上看到有變身鏡盒，以為終於可以擁有一個。竟然未到貨。好彩今日突然找到! 花了$370買了一支原子筆和headphone+盒，為個膠盒，真係有少少無聊。雖然膠，不過真係好靚嘛。

很膠不過好靚，妹妹都羡慕我有一個變身鏡盒

疑似詐騙奧斯卡頒奬禮 by Calanthia

最近收到一封邀請電郵，一間未聽過的『傳媒機構』話要舉行一個『業界首屈一指、奧斯卡級數』的頒獎禮，還說要頒獎俾我。頒獎禮在紅磡『五星級』某酒店的 Grand Ballroom舉行，到時有各大公司CEO出席。這樣盛大的宴會竟然邀請我出席！還有奬頒俾我！OMG, 我肯定我是做了什麼造福世界的好事。

我沒有回覆。

如果我不是酒店界或公關界打滾了一段日子，或許我已經準備好晚禮服出席了。無回覆，因為不合理。首先是基於一些無謂的固執思想，紅磡沒有五星酒店，除了尖沙咀半島外，所有頂尖的酒店都在中環和金鐘。再者，作為酒店從業員我唔太鐘意聽到『五星、四星…』星星是很大陸的講法，在香港，我估街尾個間麗晶大賓館都可以話自己是五星，而不違反商品說明條例。最重要的，我實在沒有做過什麼豐功偉績，領什麼獎呢?

無回覆電郵之後，接二連三收到電話和WhatsApp，追問我會不會出席活動，他們準備了奬項，要我派公司代表去接受。好啦，我上了他們的臉書看看，臉書上有一段MC介紹奬項的短片，一位金髮鬼妹和中國男子，分別以英文和國語介紹這個『全城盛事』。我不禁在腦裡出現了『我們很國際化架！很西化架！講英文架』的聯想。

我一針見血的追問，聯絡我的人終於道出攞獎是有收費的。很國內化。

雖然奧斯卡頒獎俾Birdman為最佳電影，我估應該都無向阿導演要錢，但其實我也不反對收錢，有些小機構或者會當做廣告宣傳，無他的，一買一賣公平交易。我只是唔太喜歡，這個頒獎禮邀請人家出席時，手法上有點似詐騙，由電郵至WhatsApp 也隻字不提需要付出金錢，才能有個奬俾你架。

哼 ! 或者你會話，世界上無免費午餐。就像馬云說淘寶沒假貨，然後補充：『25塊錢就想買勞力士。』

自欺欺人，永遠都是人類快樂的來源。

Davidoff 雪茄一擲千金的酒會 by Calanthia

昨天是Art Basel展覽的第一天VIP Preview，晚上有不同機構舉辦活動，云云咁多酒會中，我有幸參加了著名雪茄品牌Davidoff 的雞尾酒會。

酒會在灣仔Grand Hyatt 十一樓的池邊舉行，活動八點半開始，我準時去到已經有一百幾十人在場，平常的酒會客人通常都會遲半小時至一小時先出現。昨晚一開波就人山人海真係令人驚訝，Davidoff 的魅力真是不淺。

出席名人有王敏德、馬思慧、Jessica C、丁子高和其他超模。全場free flow juice、vodka、紅白酒、還有Dom Perignon 香檳 ! OMG! 這支香檳最平都要$800-$1000一支, 另外大會提供自助餐給七百位來賓，我比較prefer pass around的小食多過buffet , 因為太擠迫其實唔想去攞，但眼見有西班牙海鮮飯、大蝦串燒、牛肉他他、一系列甜品等，場地更是包了Grand Hyatt 的pool side。Davidoff 的有錢程度實在令人驚嘆! 賣煙賣雪茄的確是賺好多錢。比起我之前去過Ferragamo 在Ritz Carlton的酒會，以幾百個繡球花砌成一個大backdrop 更為一擲千金。

我估計，這次活動最少花費一百萬。去酒會其實沒有什麼的，和主人家say個hi, 然後無無聊聊有免費喝的吃的就是了。別幻想是可以識新朋友識新客戶提升人際關係networking的聚會。以前有位Sales 老總，總是要手下去這些酒會，識新朋友識新客戶，真係識到架咩？可能是我無上進心，或者我認為人與人的關係，不會是簡單吹兩句水就 建立得來，到了第二天醉醒了後，你發電郵告訴人家好高興認識你，人家還會記得你嗎？

幕後花絮 by Calanthia

看過一個專欄作家，恥笑一位入世未深的公關下屬，以為任職慈善機構就不需要交數或計clippings，違背了做慈善機構的原意，所以辭職走人。很mean， 但很真實。

我們做公關的，在私人時間或私人平台的一言一行，都要非常自重，因為你把口就代表著公司，身邊或Facebook上有一半以上的朋友都是傳媒。公關在閑談之中，無論談什麼話題都有辦法和公司扯上關係，宣揚品牌和概念，情況似是教徒開口埋口神啊一樣虔誠，職業病呀!

在大半年前辭任酒店公關，成為自由身沒有公司品牌形象的加鎖， 一舉手一投足輕鬆得多。所以除了為自家廚房親身上陣宣傳外，由於熟手又了解工作流程的關係，一些傳媒朋友也會找我拍一點點唔關係的硬照或短片，義務做一下『模特兒』，幾好玩之餘，也好趁青春留倩影。

最近拍得最有趣的，除了跟壹週刊去中環AIA嘉年華，連續玩機動遊戲玩到嘔外，還有跟Cosmopolitan拍性感跳舞硬照，好大突破呢! 我不是模特兒，但我是一個專業公關，我明白拍照的要求，基本上拍出來好看就可以了，沒有人理會你究竟會不會跳舞，你的紅唇夠不夠紅。

就正如之前我為蘋果日報，做了三道情人節菜式，其實以我的廚藝功力，絶對未夠班教人家做菜，不過當然這些『幕後花絮』很多人都不知道。所以呀，作為一個公關出身的人，跟本不會相信護膚品廣告，什麼肌齡逆轉，都是公關人想出來的宣傳技巧罷了。

在這裡鳴謝幫我在Cosmopolitan性感照化妝的Chalvy Choy ，這樣意識形態很性感的照片，必須靠冷艷細膩的妝容，才令我生色不少。謝謝。