市面上護膚品五花八門，每一種都說自己的成份最獨特有效，但其實得到充足醫學驗證有效的成份黎黎去去都係果幾隻。其中Retinol 同 AHA/BHA 都算係近年的熱門成份，但因為比起一般產品刺激性大，心大心細左好耐都無試...直到6月左右，我都加入左Retinol 行列，去美國出差時買左支PeterThomasRoth的Retinol Fusion PM，用左3-4個月，相當滿意。
但今日呢篇blog並唔係想講支Retinol，事緣我發現用左Retinol後，皮膚雖然係好多方面改善左，但暗粒同毛孔問題好似仲嚴重過之前......google後發現唔止我有呢個問題，而前人的結論係，Retinol生效時雖然都會去除角質，但不能深層清潔毛孔，而當Retinol 開始重建角質層後，加厚角質層後，深藏的毛孔污垢未有排出，所以毛孔問題可能會更多。正確做法應該先用酸清潔乾淨皮膚，再用Retinol，而呢2種產品最好不要同用，否則會互相抵消了部分功效。
===分隔線以下入正題===
我屬於乾性敏感皮膚，所以唔敢試標榜濃度高，太專業的東西，$368唔岩用可即棄都係一個吸引的原因，就因為咁我就想試試Olay呢支複合酸新產品......買果時萬寧有50蚊coupon拎，扣完仲夠$300，又送多張50蚊只可用係醫美產品的coupon。
—厲害的廣告文案，同類Olay產品於美國大多自稱不能與專業煥膚比較，相比下非常謙虛誠實
—透明膠樽包裝對酸性成份來說應該不是最佳選擇，必須留意要放在陰暗地方。但輕輕一扭開產品便自動充滿滴管是相當方便的設計。
—質感剛好，不會太水又不會太難推，沒有特別味道。
只需在夜間洗面+爽膏水後塗上即可，有些人會選擇在完成護膚程序（包括面霜）後才塗上，認為面霜的油份可以減少對酸敏感的機會（雖然效果應該會一併減少），各施各法吧！最重要是緊記加強保濕，日頭要擦防曬啊！
第一次用時有刺痛感，之後幾天幾乎沒有感覺。到第四天時傳說中因為閉鎖污垢浮面所以出暗瘡的情況出現了！但只是幾粒小小的，一晚就謝，沒有太大的困擾。皮膚敏感出現了，嚴重泛紅+有點痕癢，算是預期中會出現的問題，可以接受。
—用了7天，皮膚乾淨了一點點，但與廣告宣傳仍有點距離呢.....真的好難把2張相調到差不多啊.....總之，效果沒有宣傳講得咁明顯呢，由其是變滑方面......
總之，以上是7天小結，14天後再下結論吧！
(希望素顏不是太驚嚇......)By 可可
