我好捨得花錢喺個面度, 買護膚品呀乜乜乜嗰d
而近年花得最多錢嘅一個item 就係整靚棚牙!
其實我棚牙望落問題唔算大
雖然下顎嘅牙好似打風咁, 不過基本上唔E起個口, 人地都睇唔到
最礙眼嘅係右邊門牙斜左
平時可能都唔太覺, 但如果影相影我左邊嘅三七面
門牙有個位就好似崩左忽咁.
一路都覺得問題唔大, 直至有個識左十幾年嘅朋友話我隻門牙好似越黎越斜
結果因為佢呢一句說話, 我就決定去箍牙!!!!
貪靚嘅我緊係唔會揀傳統鋼線箍啦,
唔能夠讓自己二字頭收尾幾年樣樣衰衰咁過家嘛,
結果就豪洗三萬八用invisalign！
做過下research 就揾左屋企附近個牙醫整
做左assessment, 牙醫話原來我係有d 哨牙
即係你咬緊牙根嘅話, 上顎d 牙可以完全遮晒下顎嘅牙
牙醫話我可以唔洗mok牙, 只要喺幾隻牙度磨0.25mm 嘅牙罅, 畀d空間d 牙郁就可以了
其實mok 牙的話應該甚至可以達至瘦面效果
但d 牙仔健健康康 好地地又冇理由mok左佢家嘛.
做完assessment 再做牙模, 過左一排之後美國嗰邊就整左個animation, show 晒成個療程期間我棚牙黎緊嘅變化 (下面screendump左頭同尾)
我情況唔嚴重, total 只係需要戴31副箍. 每兩個禮拜換一副.
即係我個treatment 只係around 62weeks, 等於一年多兩個月
d 牙箍唔會一次過畀晒你. 所以三萬八都唔需要一次過俾
而係每兩三個月返去見一見牙醫同攞牙箍，每次攞4-6副箍，$500/箍
算係分期付款，都唔算太肉赤
過程其實唔講得上係辛苦, 亦都冇乜痛楚, 只係每次換新箍嘅頭幾日d牙都會有d酸軟
但咁先證明d 牙真係移緊位嘛！
不過想講初初上箍嗰時真係好痛苦
個口成日都好乾要飲勁多水搞到成日要去廁所
又因為磨左牙罅, 食咩都攝野.
初初唔識, 只係照常早晚刷牙, 但原來係唔夠架!
因為d 食物係攝到落牙同牙肉之間, 仲要係攝到實一實, 一定要用牙線先liu到出黎.
開頭唔知, 搞到初期兩邊d 牙肉發晒炎又腫又痛, 加上 d 牙又軟又痺
完全冇胃口食野, 搞到頭一兩個月輕左5磅!
可惜係大概兩個月左右咩都習慣晒. 嗰5磅亦喺不知不覺間已經出現番 =_=
叫得invisalign 係咪真係invisible？
其實唔係，最明顯係喺d牙表面加嘅釘釘 － 正名叫attachment
係用補牙嘅瓷粉整出黎，用黎勾實個箍，等個箍戴得實d (下圖可見我兩邊上下犬齒同小臼齒都有釘釘的)
雖然唔係完全透明，但都總好過 E 起棚牙見到灰灰銀銀嘅鋼箍！
好, 講左咁耐要show before & after 先
已經箍左59 個禮拜, 一年多d. 由初初嘅左邊, 到而家嘅右邊!
d 牙正面睇齊晒，側面睇個咀冇以前咁嘟～
你問我呢三萬八畀得抵唔抵, 我覺得絕對唔平, 但係絕對係值架！
據我所知無論你情況幾嚴重都好, 即係整個療程要戴30個箍又好, 或者要戴50個箍都好, 都係咁上下價錢, 講緊鋼箍都要兩萬幾啦
不過有d人嘅情況一定要mok牙,咁mok牙費用就要另計喇
雖然都已經7788, 但都仲未完晒成個treatment.
剛剛上個禮拜做多個牙模寄去美國for fine tuning
即係根據而家棚牙嘅情況, 再睇下有d咩細節位要執
牙醫話我要戴多兩至三副箍
等多兩個月等埋嗰兩三個新牙箍喺美國造起寄黎hk
再戴多個零月左右, i will then be done! woohoo!!
好期待唔洗再日日食親野飲親有色飲料 ie咖啡紅酒etc都要又除又戴牙箍嘅生活！
－－－－－－－－－－－
呢個post d 相可能嘔心左少少，我亦鼓起左好大勇氣post 自己核酸嘅一面上黎。但希望可以為想箍牙嘅人認識多d 呢個偉大嘅發明啦 :P
沒有留言:
張貼留言