三D版 叮噹 『Stand By Me』

多啦A夢喔~多啦A夢喔~

叮噹，我細細個就睇，睇到我今日大大個，叮噹都早變成多啦A夢。漫畫版、TVB版、電影版、大長篇，我全部唔會錯過。番工既時候，間中經過飯堂斟水，看到電視機播多啦A夢，都會刻意斟多杯茶飲完再添。

早前看了多啦A夢3D『Stand By Me』，老老實實，唔鐘意。故事內容是漫畫版的其中一篇『說謊藥水』，電視都播過了，內容上當然沒有新意。每一篇漫畫動畫，我都看過幾千遍，唔鐘意，重點從來不在內容上。

叮噹只是一種情意結，叮噹還好，立體了也很叮噹，大雄就完全變了樣，靜宜個樣，就像衝上雲霄的陳法拉換了鄭秀文。這樣就完全不是我們所懷念的味道。你明白嗎，叮噹是成年人的，賣的東西，叫回憶。